Qazaqstandyq mylqaý sportshylar balalar komandasy Slovakııada jeńimpaz atandy
ASTANA. QazAqparat - Búgin qazaqstandyq qulaǵy múkis esitetin jáne mylqaý jasóspirimder fýtbol komandasy Slovakııada fýtzaldan halyqaralyq týrnırde birinshi oryndy jeńip aldy.
Tartysty ótken kúreste balalar jarys fınalyndaǵy Slovakııa komandasymen kezdesýinde esep 3:3 bolǵannan keıingi penaltı serııasynda týrnırdiń altynyn jeńip aldy. Bıylǵy jyly chempıonatqa Polsha, Ázerbaıjan, Slovakııa jáne Qazaqstan komandalary qatysty.
Múkis estıtin jáne mylqaý balalar oqıtyn almatylyq №5 jáne №2 mektep-ınternattarda 2009 jyly «Dara» qory fýtbol komandasyn qurǵan bolatyn. Ol úshin arnaıy №9 mektep-ınternatta fýtbol alańy jasaqtaldy, jumysqa kásibı jattyqtyrýshy, estýi boıynsha múgedek Asyl Ybyraıymov qabyldandy. Ótken kezeńde komanda fýtboldy súıetin qarapaıym jasóspirimder tobynan kásibı komandaǵa deıingi úlken joldan ótip, ulttyq jáne halyqaralyq jarystardyń jeńimpazy dárejesine deıin kóterildi.
«Dara» qorynan habarlaǵanyndaı, ótken jyly olar qazaqstandyq múkis estıtin balalar komandalary arasynda respýblıka chempıony boldy, budan keıin 2014 jyly shildede halyqaralyq týrnırde 2 oryndy enshiledi, endi mine bıyl kópten kútken jarystyń altyn júldesine qol jetkizip otyr. Týrnırge barýǵa komandanyń úzdik oıynshylary irikteldi, sondaı-aq Qaraǵandy men Taldyqorǵannan múkis estıtinder komandalarynan eki úzdik oıynshy qosyldy.
Taldyqorǵandyq oıynshy Qaırat Qańtarov týrnırdiń úzdik shabýylshysy atandy. Komandanyń birneshe balalarynyń sport sheberi, basqalarynyń sheberlikke úmitker ataqtary bar.
«Biz balalardyń jeńisine óte qýanyshtymyz, óıtkeni bul týrnırdegi jeńis qana emes, ózderiniń qabilet-qarymynyń jeńisi! Ókinishke oraı, múmkindigi shekteýli balalar úshin sport, ásirese kásibı sport áli de qol jetimdi emes. Kóptegen talantty balalar áli de óz múmkindigin júzege asyra almaı otyr. Biz osyndaı balalarǵa sport ókilderi nazar aýdarady dep oılaımyz, mekteptik sektsııalar júıeli túrde memleket qoldaýyna ıe bolady dep senemiz», - dedi «Dara» qorynyń dırektory Mádına Bákıeva.
Bıylǵy jyly jobaǵa QR fýtbol federatsııasy demeýshi boldy, sondaı-aq kóptegen jyldar boıy komandaǵa ırlandtyq sýretshi jáne fotosýretshi Merı O'Konnor qoldaý kórsetip keledi. Onyń Orta Azııadaǵy ómir týraly "Head over Heals" jáne "Chai and Chat" fotoalbbomdary satylymdarynan túsken qarjynyń arqasynda fýtbolshylar birneshe halyqaralyq týrnırge qatysý múmkindigine ıe boldy.
Jeńimpazdar komandasy Almatyǵa Máskeýden 205-shi reıspen 14 shildede tańǵy saǵat 05:05-te ushyp keledi.
