Qazaqstandyq mýzykanttar Shveıtsarııadaǵy mýzyka akademııasynyń magıstratýrasyna qabyldandy
ALMATY. Qyrkúıektiń 10-y. QazAqparat /Ádilet Musahaev/ - Ǵazıza Jubanova atyndaǵy memlekettik shekti aspaptar kvarteti memlkettik «Bolashaq» baǵadarlamasy aıasynda Shveıtsarııadaǵy mýzyka akademıııasynyń magıstratýrasyna qabyldandy.
Bul jaıynda Qazaqtyń Jambyl atyndaǵy memlekettik fılarmonııasynyń 75-jyldyǵyna oraı arnaıy ótken baspasóz máslıhatynda aıtyldy, dep habarlaıdy QazAqparat.
Kvartet qurylǵannan beri onyń mýzykanttary kóptegen halyqaralyq baıqaýlar men festıvaldardyń laýreaty atanǵan. Sonymen qatar kvartet ujymy Reseı, Ýkraına, Frantsııa, Germanııa, Japonııa, Shveıtsarııa, AQSh, Italııa jáne ózge de memleketterdiń eń jaqsy kontsert zaldarynda óner kórsetken.
«Bul kvartet Qazaqstanda dara bolýymen erekeshelenedi. Ulttyq mýzyka mektebinen ósip shyqqan osy kvartet qana memlekettik mártebege ıe bolyp otyr. Eýropalyqtar olardyń shyǵarmashylyǵyna úlken qyzyǵýshylyq tanytýda. Ujym shet elderde ulttyq klassıkalyq shyǵarmalardy nasıhattaýda. Dengenimen, kez-kelgen ujymnyń sheberlik deńgeıi dúnıejúzi boıynsha klassıkany oryndaý deńgeıimen baǵalanady. Mine bizdiń kvartet te álemdik oryndaýshylardyń deńgeıinde óner kórsetip, árqashan shyǵarmashylyq izdeniste júredi", deıdi fılarmonııa dırektorynyń orynbasary Sáýle Tanekeeva.
Atalmysh kvartettiń qurylǵan kúninen bergi múshesi Ernar Myńtaev ujymnyń elimiz ben shetelderde sátti óner kórsetip kele jatqandyǵyn aıtady. "Kameralyq mýzyka elıtalyq bolyp sanalǵanymen, oryndaýshy retinde bizge damyp, ósý mańyzdy. Bul úshin óte úlken básekelestik orta qajet. Oqý barysynda bizge shyǵarmashylyq erkindik beriledi, óıtkeni bizdiń jetekshimiz kontsert qoıatyn mýzykant. Bizde de kontsertterde óner kórsetip, eýropalyq tyńdarmandardy jaqyn tanýǵa múmkindik týady", deıdi E.Myńtaev.
