Qazaqstandyq músinshiniń monýmenti Túrkııadaǵy Kerogly saıabaǵynyń sánin keltirmek
ANKARA. QazAqparat - Qazaqstandyq músinshi Murad Mansurov Túrkııanyń soltústik-batysyndaǵy Bolý provıntsııasynyń saıabaǵyna turǵyzylatyn músinniń jumysyn aıaqtaýǵa jaqyn, dep habarlaıdy QazAqparat TÚRKSOI baspasóz qyzmetine silteme jasap.
Eske salaıyq, qazaqstandyq músinshi 2016 jyly kúlli túrki álemine áıgili «Kerogly» eposyna arnalǵan TÚRKSOI jáne Bolý mýnıtsıpalıteti uıymdastyrýymen ótken músinshilerdiń halyqaralyq dızaınerlik baıqaýynda jenimpaz atanǵan edi.
Seben aýdanynda ornalasqan ónerpazdar aýylyndaǵy III Halyqaralyq kompozıtarlar kezdesýinde Bolý qalasynyń ákimi Alaadın Iylmaz mádenıet jáne óner qaıratkerleriniń osyndaı kezdesýleri jaqsy dástúrge aınalatynyna senimin bildirdi.
«Kezinde kúlli túrkiniń batyry Kerogly ómir súrgen Bolý óńiri túrki álemimen tyǵys baılanys ornatqan. Biz Bolýdaǵy qazaqstandyq músinshi basty monýmentin ornatyp jatqan Kerogly atyndaǵy saıabaq qurylysyn júrgizip jatyrmyz. Sonymen qatar 2018 jyly 25 jyldyǵyn atap ótetin TÚRKSOI halyqaralyq uıymymen yntymaqtastyqty nyǵaıtýǵa múddelimiz. Biz shara aıasynda birlesip jańa jyl - Naýryzdy toılaýǵa arnalǵan halyqaralyq festıval ótkizýdi josparlap otyrmyz. Kezinde Balý aınalasyndaǵy taý shyńyna da Naýryz ataýy berilgen bolatyn» - dep atap ótti qala basshysy.
