Qazaqstandyq munaı-gaz tasymaldaýshylary týraly málimetter bazasy jasalady
ALMATY. Shildeniń 8-i. QazAqparat /Erbol Azanbek/ -Elimizde Qazaqstandyq munaı-gaz tasymaldaýshylar týraly málimetter bazasy jasalady. «Alǵashqy pýnkt Qazaqstan» (APQ) dep atalatyn baǵdarlama aıasynda júzege asyrylatyn málimetter bazasy 3 aıdan keıin iske qosylady,
dep habarlaıdy QazAqparat APQ jobasyn júzege asyrýshy «Adjıp KKO», «Teńizshevroıl», «Qarashyǵanaq» munaı kompanııalaryna silteme jasap.
Málimetter bazasy veb saıt túrinde kórinis tabady. Bul qazaqstandyq tasymaldaýshylardyń tizimin jasaqtap, olardyń qyzmetin shet eldik kompanııalardyń paıdalanýyna múmkindik jasaıtyn bolady. Joba quryltaıshylarynyń aıtýynsha, bul Qazaqstannyń óndirisin damytýǵa yqpal jasaıtyn qadamdardyń biri. Málimetter bazasynda «Munaıgaz», «Kommýnaldyq mekemeler», «Memlekettik sektor», «Kólik», «Qurylys», «Taý-ken óndirisi», «Farmatseptıka óndirisi», «Telekommýnıkatsııalyq tehnologııalar» syndy 8 bólim bar. «APQ» jobasyna resmı tirkelgen kez-kelgen qazaqstandyq kompanııa qatysa alady. Bul málimetter bazasyna tirkelgen kompanııalar halyqaralyq Achilles munaı-gaz málimeter bazasyna avtomatty túrde qosylmaq. Achilles málimetter bazasyna 500 eń iri álemdik mekeme men 30 myń tasymaldaýshy tirkelgen.
