Qazaqstandyq model Bıbı - japondyq Uniqlo kompanııasyn jarnamalaıtyn biregeı tulǵa
ASTANA. QazAqparat - Sýpermodel Bıbisara Sháripova Japonııanyń kıim shyǵaratyn Uniqlo kompanııasy ónimderine jarnama jasaıdy, dep habarlaıdy «Ekspress-K».
Bıbisara bul baǵyttaǵy eńbek jolyn Almatyda bastaǵan, al ótken jyly Nıý-Iorktegi Sán aptalyǵynda barlyǵyn keremet áserde qaldyrdy. Álemdik sýpermodelder tizimine Bıbı esimimen kirdi. Arasynda Vogue jáne Grazie sııaqty sán jýrnaldary onyń súıkimdi júzin bas paraqshalaryna túsirý úshin kezekke turdy. Al Benetton sııaqty sándi kıimder shyǵaratyn kóptegen fırmalar onyń agenttigine jıi habarlasady. Sondyqtan burynǵy almatylyq boıjetkenge aptasyna jeti ret Nıý-Iorkte túski asyn, tańerteńgi shaıyn Parıjde ishýge týra kelip tur. Bıbı sondaı-aq Tae Ashida jáne Ne-net sııaqty japondyq sándi brendterdiń arasynda erekshe yqylasqa ıe bolýda.
"Álemdik brendter baǵytyn alǵan feshn-ındýstrııanyń bas tutynýshysy - Qytaı eli",- deıdi Astana modeldik agenttiginiń qyzmetkeri Abbas Qısyqov. Sondyqtan álemdik brendter eýropalyq sulýlyq týraly kóriniske sáıkes keletin shyǵys beınesin izdep, ony Bıbisaradan tapty.
