Qazaqstandyq MMA sportshysy Beıbit Nazarov Japonııadaǵy jarysta jeńiske jetti
ASTANA. QazAqparat - Qazaqstandyq «ALEMFIGHTERS» klýbynyń sportshysy Beıbit Nazarov Tokıoda ótken «REALFIGHT 1» MMA jarysynda japondyq ıÝkı Ishıharany tize búktirdi. Bul týraly MMA Asia-ǵa siltememen boxingnews.kz portaly habarlady.
Beıbit jekpe-jektiń alǵashqy mınýttarynan-aq ózin senimdi ustap, qarsylasynan sheberligin asyra bildi. Eki raýndtyq jekpe-jektiń qorytyndylary boıynsha tóreshiler jeńisti qazaqstandyq sportshyǵa berdi.
Ókinishke qaraı, qazaqstandyq klýbtyń basqa ókilderi - Baýyrjan Qýanyshbaev pen Asqar Úmbetov utylyp qaldy. Qýanyshbaev ekinshi raýndta japondyq Toshıkazý Sýzýkıden tehnıkalyq nokaýtpen jeńilse, Asqar Úmbetov ekinshi raýndta Kazýıýkı Mııataǵa jol berdi.
