Qazaqstandyq MMA sheberi Marııa Agapova amerıkalyq qarsylasyn jeńdi
NUR-SULTAN. QazAqparat – Qazaqstandyq MMA sheberi Marııa Agapova Invicta FS promoýshenimen kelisim aıasynda birinshi jekpe-jegin ótkizdi, dep habarlaıdy QazAqparat Sports.kz-ke silteme jasap.
M.Agapova Kanzas-Sıtıde (AQSh, Kanzas shtaty) aralas jekpe-jek týrnıri aıasynda kúsh synasty. Ol jergilikti faıter Aleksa Konnerspen aıqasty. Jekpe-jekte Marııa birinshi raýndta tunshyqtyrý tásilin qoldanyp, ýaqytynan buryn jeńiske jetti. Bul onyń kásibı mansabyndaǵy segizinshi jeńisi. Ol mansabynda tek bir ret jeńilis tapsa, Konners besinshi ret jeńilip qaldy.
Eske salaıyq, Marııa Agapova munyń aldyndaǵy aıqasta amerıkalyq Treısı Kortesten (6-1) tóreshilerdiń sheshimimen jeńilgen bolatyn. Bul aıqasta UFC – aralas jekpe-jekten álemdegi iri promoýshnmen kelisim báske qoıylǵan edi.
