Qazaqstandyq MMA sheberi qyrǵyz sportshysymen ekinshi ret kezdesedi
ASTANA. QazAqparat - Qazaqstandyq MMA sheberi Rýslan Serikpolov (13-5) NFC 15 týrnıriniń basty jekpe-jegine shyǵady, dep habarlaıdy «SPORTINFORM» SAA.
4 tamyz kúni Aqtaýda Rýslan Serikpolov qyrǵyz sportshysy Qanybek Jánibekýýlýmen kezdesedi.
28 jastaǵy qazaqstandyq faıter Rýslan Serikpýlov aralas jekpe-jekten ótetin týrnırlerge 2014 jylǵy jeltoqsannan beri qatysyp júr. Osy ýaqyt aralyǵynda 18 aıqastyń on úshinde jeńiske jetip, beseýinde utylǵan.
Sherdog.com saıtynyń málimetine qaraǵanda, qyrǵyzstandyq Qanybek Jánibekýýly sporttyq mansabynda 5 ret jeńilip, 4 ret jeńimpaz atanǵan.
Aıta ketsek, aldaǵy jekpe-jek kórermender eń qatty asyǵa kútken aıqasqa aınalyp otyr. Sportshylar buǵan deıin mamyr aıynda ótken NFC 14 shoýynda kezdesken. Ol kezde tóreshiler jeńisti qazaqstandyqqa bergen edi.
