Qazaqstandyq mınometshiler 3 shaqyrym radıýstaǵy nysananyń kózin joıa alatyndyǵyn kórsetti
Sabaqtar Aeroutqyr áskerleri qolbasshysynyń basqarmasy Raketa áskerleri men artıllerııa bastyǵy polkovnık Asqar Jolamanovtyń basshylyǵymen júzege asyryldy.
QR QM baspasóz qyzmetiniń málimetinshe, baqylaý sabaqtary barysynda artıllerıster qozǵalmaıtyn nysanalardy zeńbirektermen, mınomettermen dáldep atýdan emtıhan tapsyryp, ózge de tapsyrmalardy oryndady. Mınometpen jáne basqa da atys qarýlary túrlerimen oqý jaýyngerlik atystary kúndizgi jáne túngi jaǵdaılarda júzege asyryldy.
Jaýyngerlik atystardyń qorytyndysy boıynsha mınometshi-jaýyngerler radıýsy 10 metrden 3 shaqyrymǵa deıingi qashyqtyqtaǵy nysana kózdeýdi jaqsy meńgergendikterin kórsetti.
Taǵy bir aıta keterligi, Aeroutqyr áskerleriniń brıgadalyq, batalondyq taktıkalyq jattyǵýlary artıllerııalyq bólimshelerdiń qatysýynsyz ótken emes. Olar gaýbıtsadan atylǵan oqpen, dúrkindep atý reaktıvti júıesinen jáne mınometpen belgilengen oq-dári qoryn paıdalana otyryp, nysanalarǵa dóp tıdi.
«Ótkizilgen polıgondyq sabaqtar artıllerıster úshin óz tájirıbelerin jaqsartýǵa kezekti múmkindik berdi. Sonymen qatar, artıllerıster mınomettik vzvod quramynda jaýyngerlik shoǵyrlaný máselelerin pysyqtaı otyryp, mınometshiler batareıasy quramyndaǵy kelesi kezeńge daıyndala aldy»,-delingen vedomstvonyń málimetterinde.