Qazaqstandyq «Messı» Reseı chempıonaty jas oıynshylarynyń úzdik ondyǵyna kirdi
ASTANA. QazAqparat - Osy maýsymda ózderin kórsetetin Reseı Premer-Lıgasynyń TOP-10 jas oıynshylary belgili boldy. Bul tizimge Qazaqstan quramasynyń 18 jastaǵy shabýylshysy Erkebulan Seıdaxmet kirdi, dep xabarlaıdy Sports.kz.
«Taǵy bir qazaqstandyq "Messı" bar. Onyń otandastary jas oıynshynyń bolashaǵynan úlken úmit kútýde. Ol birinshi quramada oınap júr. Seıdaxmet byltyr qysta "Taraz" klýbynan "Ýfaǵa" aýysyp, naýryzda "Anjıǵa" qarsy oınady. Erkebulan 2000 jyly dúnıege kelgender arasynan Premer-Lıganyń alǵashqy oıynshysy boldy», - dep jazylǵan tanymal «Sport-Ekspress» saıtynda.
