Qazaqstandyq «Messı» «Qaıratqa» aýysa ma
ASTANA. QazAqparat - Qazaqstandyq fýtbolshy Erkebulan Seıdahmet «Ýfa» reseılik premer-lıga klýbynyń sapynda jattyǵýyn jalǵastyrýda, dep habarlaıdy QazAqparat Sports.kz saıtyna silteme jasap.
Eske salaıyq, qazaqstandyq buqaralyq aqparat quraldarynda Erkebulan jaqyn ýaqytta almatylyq «Qaıratqa» kelýi múmkindigin jazǵan bolatyn. Bul jankúıerler men mamandar tarapynan úlken qyzyǵýshylyq týǵyzǵan edi. Alaıda fýtbolshy bul málimetti joqqa shyǵardy. Ol Instagram-daǵy paraqshasynda: «Joq, bul qaýeset», - dep jaýap berdi.
Aıta keteıik, ótken maýsymnyń sońynda Seıdahmet jaraqat alyp, uzaq ýaqyt boıy qalpyna keldi. Bul ýaqyt ishinde klýbtyń bas bapkeri aýysty. Sergeı Semak Sankt-peterbýrgtiń «Zenıtine» ketti. Degenmen, «Ýfanyń» basshylyǵy qazaqstandyq jas fýtbolshyǵa áli de qyzyǵýshylyq bildirip otyrǵandaryn málim etti.
