Qazaqstandyq «Messı» el quramasyna shaqyryldy
ASTANA. QazAqparat - «Ýfa» klýbynyń jas shabýylshysy Erkebulan Seıdahmet fýtboldan Qazaqstan ulttyq quramasynyń sapyna shaqyryldy, dep habarlaıdy Sports.kz reseılik klýbtyń resmı saıtyna silteme jasap.
«18 jastaǵy Erkebulan Seıdahmet Qazaqstan ulttyq quramasyna shaqyryldy. Qazaqstan 1-6 maýsym aralyǵynda Astana qalasynda oqý-jattyǵý jumystaryn ótkizedi. Jıyn aıasynda Ázerbaıjan quramasymen joldastyq kezdesýi (5 maýsym) ótedi», - delingen habarlamada.
Eske sala keteıik, «Qazaqtan shyqqan Messı» atymen tanylǵan jas fýtbolshy Ýfa klýbymen uzaq merzimdi kelisimshartqa qol qoıǵannan soń eki match ótkizdi. 7 sáýirde Týlanyń «Arsenalymen» ótken oıynda (1:2) jaraqat alyp, birneshe kezdesýge qatysa almaǵan bolatyn.
