Qazaqstandyq mergender halyqaralyq týrnırden eki medal jeńip aldy
ASTANA.QazAqparat - Birikken Arab Ámirlikteriniń El-Aın qalasynda nysana kózdeý jáne stend atý sportynan áıelder arasynda ótken iri halyqaralyq týrnırde qazaqstandyqtar eki medal jeńip aldy, dep habarlaıdy QazAqparat tilshisi.
QR Ulttyq olımpıadalyq komıteti málim etkendeı, atalǵan týrnırge álemniń 22 memleketinen 115 sportshy qatysty.
Stend atýdan qazaqstandyq mergender júldeli eki oryn jeńip aldy. Atap aıtar bolsaq, «skıt» boıynsha Rınata Nasyrova kúmis, Zoıa Kravchenko qola júldeger atandy. Al «trap» baǵdarlamasy boıynsha Marııa Dmıtrıenko 4-shi, Sársenkúl Rysbekova 5-shi orynda.
Nysana kózdeýden Qazaqstan atynan alty mergen qatysyp, eń joǵarǵy nátıjeni Elızaveta Korol tirkedi. Shymkenttik sportshy vıntovkamen nysana kózdeýde fınalǵa ótip, 4-shi satyǵa turaqtady.
Nysana kózdeýden ózge sportshylarymyzdyń kórsetkishteri tómendegideı:
1. Malınovskaıa Aleksandra - 5 oryn (myltyq)
2. Starostına Vıoletta - 8 oryn (myltyq)
3. Komendra ıÝlııa - 10 oryn (tapansha)
4. Aksenova Olga - 11 oryn (tapansha)
5. Loktıonova Irına - 12 oryn (tapansha).
