Qazaqstandyq mergender Azııa chempıonatyna sońǵy ázirligin bastap ketti
ALMATY. 30 jeltoqsan. QazAqparat /Erlik Erjanuly/ - Oq atýdan Qazaqstan ulttyq quramasy Katardyń Doha qalasynda oqý-jattyǵý jıynyn ótkizip jatyr.
Onda 11-22 qańtarda eresekter arasynda lıtsenzııalyq Azııa chempıonaty ótedi. Anvar ıÝnýsmetov jattyqtyratyn mergender bul baıraqty básekede 2012 jyl Londonda ótetin Jazǵy Olımpıada oıyndarynyń 3-4 joldamasyn ıelenýdi josparlap otyr. Onda mundaı mártebege 1-2 oryn sportshylar ǵana ıe bolady.
Jalpy buǵan deıin Olımpıada joldamasyna el quramasynan 2010 jyly Germanııanyń Mıýnhen qarlasynda ótken Álem chempıonatynda pavlodarlyq Vıacheslav Podlesnyı ǵana qol jetkizgen bolatyn. Katardaǵy bul jattyǵý jıynyna bas bapker 15 sportshyny shaqyrtqan. Olardyń arasynda almatylyqtardan Vladımır Isachenko, Igor Pırekeev, ıÝrıı Melsıtov pen Aleksandra Malınovskaıa bar. Komandanyń ózge músheleriniń altaýy Shymkentten, úsheýi Pavlodardan, ekeýi Astanadan. Katarda eresektermen birge sondaı-aq jasóspirimderdiń de Azııa chempıonaty ótedi. Onda el namysyn 12 sportshy qorǵamaq.
