«Qazaqstandyq memlekettik-jeke menshik áriptestik ortalyǵy» AQ jańa Basqarma tóraǵasy taǵaıyndaldy
ASTANA. 20 qyrkúıek. QazAqparat. «Qazaqstandyq memlekettik-jeke menshik áriptestik ortalyǵy» AQ Basqarma tóraǵasy bolyp Ábıesov Jomart Amangeldiuly taǵaıyndaldy.
Ábıesov Jomart Amangeldiuly, 1975 jyly týǵan, «Qarjy jáne nesıe», «Quqyqtaný» mamandyqtary boıynsha joǵarǵy bilimi, Memlekettik basqarý magıstri («Bolashaq» Baǵdarlamasy, Lı Kýan ıÝ Memlekettik saıasat mektebi (Sıngapýr), Garvard Ýnıversıteti (AQSh) deńgeıi bar, sondaı-aq ekonomıkalyq ǵylymdarynyń kandıdaty. Qazaq, orys, aǵylshyn jáne túrik tilderin biledi.
2002 jyldan 2008 jylǵa deıin Qazaqstan Respýblıkasy Prezıdenti Ákimshiliginiń Ekonomıkalyq saıasat basqarmasynyń Zertteýler júıesiniń ortalyǵynda sektor meńgerýshisi, bas ınspektor, meńgerýshiniń orynbasary, «Qazaqstan Respýblıkasy Úkimeti men Ulttyq banki basshylyǵyndaǵy Ulttyq taldamaly ortalyǵy» AQ Basqarma Tóraǵasynyń orynbasary, Qazaqstan Respýblıkasy Prezıdenti Ákimshiliginiń memlekettik baqylaý jáne uıymdyq-kadrlyq jumystar bólimi meńgerýshisiniń orynbasary, Qazaqstan Respýblıkasy Prezıdenti Ákimshiliginiń memlekettik qyzmet jáne kadrlyq saıasat bóliminiń meńgerýshisi qyzmetterin atqardy.
2008 jyldan 2011 jylǵa deıin «Samuryq-Qazyna» UÁQ AQ Basqarýshy dırektory -Departament dırektory qyzmetin atqardy.
2011 jyldan bastap «Qazaqstandyq memlekettik-jeke menshik áriptestik ortalyǵy» AQ Basqarýshy dırektory - basqarma múshesi qyzmetin atqarǵan.
Buǵan deıin «Qazaqstandyq memlekettik-jeke menshik áriptestik ortalyǵy» AQ Basqarma tóraǵasy laýazymyn ıelengen Tilepaldınov Qaırat Rahatuly QR Ekonomıkalyq damý jáne saýda mınıstrligi Saýda komıteti tóraǵasynyń orynbasary bolyp taǵaıyndaldy, dep habarlaıdy QR Ekonomıkalyq damý jáne saýda mınıstirliginiń baspasóz qyzmeti
