Qazaqstandyq mektep oqýshysy ınformatıka páni boıynsha halyqaralyq olımpıadada «qola» júldege ıe boldy
ASTANA. 15 shilde. QazAqparat - Almaty qalasynyń mektep oqýshysy Nurlan Júsip ınformatıka páni boıynsha 25-shi halyqaralyq olımpıadada (IHO) «qola» júldege ıe boldy, dep habarlaıdy Bilim jáne ǵylym mınıstrligi «Daryn» respýblıkalyq ǵylymı-praktıkalyq ortalyǵynan.
N. Júsip - Jáýtikov atyndaǵy daryndy balalarǵa arnalǵan respýblıkalyq mamandandyrylǵan fızıka-matematıka orta mektep-ınternatynyń 10-synyp oqýshysy. Onymen birge Qazaqstan atynan olımpıadaǵa Almaty qalasynan taǵy úsh mektep oqýshysy qatysty.
25-shi IHO 2013 jylǵy 6-13 shilde aralyǵynda Brısben qalasynda (Avstralııa) ótti. Uıymdastyrýshylar Avstralııalyq matematıkter keńesi jáne Kvınslend Ýnıversıteti (The University of Queensland, UQ) boldy. Ǵylymı saıysqa álemniń 78 elinen 306 oqýshy qatysty. Kelesi olımpıada Taıvanda ótedi.
