Qazaqstandyq mektep oqýshylarynyń bilimi jańasha tásildermen baǵalanatyn bolady - Úkimet otyrysy
ASTANA. 11 qyrkúıek. QazAqparat - Qazaqstanda oqýshylardyń oqý nátıjelerin baǵalaý júıesi jańartylady.
Bul týraly búgin Úkimet otyrysynda «Oqýshylardyń fýnktsıonaldy saýattylyǵyn damytý jónindegi 2012-2016 jyldarǵa arnalǵan Ulttyq is-qımyl josparynyń oryndalý barysy týraly» baıandama jasaǵan QR Bilim jáne ǵylym mınıstri Baqytjan Jumaǵulov málim etti.
Fýnktsıonaldy saýattylyqty damytý bilim-túsiný-qoldaný-júıeleý jáne jınaqtaý sııaqty krıterııler boıynsha oqý jetistikterin baǵalaýdyń jańa tásilderin talap etetindigin basa aıtqan ol: «Biz mundaı júıeni álemdik tájirıbeni jan-jaqty zertteý arqyly engizemiz», - dedi.
Bul oraıda B.Jumaǵulov qazirgi ýaqytta elimizde mektep oqýshylarynyń bilim deńgeıin baǵalaýda qoldanylyp júrgen júıedegi 5, 4 jáne 3 baǵalary ne úshin qoıylatyndyǵy naqty anyqtalmaǵandyǵyn basa aıtty.
"Sondyqtan da biz mektepterdegi barlyq synyptar úshin barlyq pánderde ártúrli deńgeıdegi baqylaý tapsyrmalary júıesin qurýdy qolǵa aldyq", - dedi mınıstr.
