Qazaqstandyq medıator mamandar AQSh-ta bilimin jetildirmek
NUR-SULTAN. QazAqparat – Qazaqstandyq medıator mamandar AQSh-ta biliktiligin jetildiretin bolady. Bul týraly QR Bas prokýratýra janyndaǵy quqyq qorǵaý organdary akademııasynyń halyqaralyq oqý kafedrasynyń dotsenti Maral Álisheva málim etti, dep habarlaıdy QazAqparat tilshisi.
«Bizde medıator mamandar shıelenis týyndaǵan jaǵdaıǵa ázir. Elimizde halyq arasynda túrli formattaǵy shıelenister men túsinispeýshilik jaǵdaılar týyndap jatady. Sonyń ishinde kópke málim, elordada bir otbasynyń bes birdeı balasynyń órtenip ketkeni, sondaı-aq, kópbalaly analardyń qarsylyǵy jáne Qaraǵandydaǵy jaǵdaı taǵy sol sııaqty. Sondaı jaǵdaıda bizdiń kelissóz júrgizýshi mamandar iske kirisip, máseleni ońtaıly sheshýge úlesterin qosty. Qýanyshqa oraı, búginde jaǵdaı turaqtaldy. Atalǵan jaǵdaıdan keıin biz máseleni sheshý ǵana emes onyń aldyn alýdy qolǵa aldyq. Árıne elde qandaı da bir shıelinis týyndaǵanda onyń mán jaıyn qarastyratyn quqyq qorǵaý organdary bar. Al keıbir shıelenister ultaralyq mánge ıe, osy jaǵdaıda etno-medıatorlardyń róli erekshe», - dedi Maral Álisheva.
Onyń aıtýynsha, búginde otandyq mamandardyń biliktiligi men tájirıbesin jetildirý máselesi kún tártibinde tur.
«Osy oraıda biz medıtor mamandardyń biliktiligin turaqty túrde kóterip otyramyz. ıAǵnı sheteldik úzdik tájirıbeni meńgerip, mamandarymyz federaldyq tergeý bıýrosy akademııasynda bilimin jetildirip jatyr. Sonymen qatar Izraıldiń arnaıy qyzmetinde bolyp, biliktiligin arttyrǵan mamandar da bar. Odan bólek, qazirgi tańda bir top mamandy daǵdarys jaǵdaıynda jumys isteý biliktiligin arttyrý maqsatynda AQSh-qa attandyrǵaly jatyrmyz», - deıdi ol.
Buǵan deıin habarlaǵanymyzdaı, elimizde etno-medıatsııa ortalyǵyn qurý josparlanyp jatyr.
Aıta keteıik, búgin eldordada Qazaqstan halqy assambleıasynda respýblıkalyq medıatsııa keńesiniń otyrysy ótti.
Atalǵan sharaǵa QHA-nyń músheleri, quzyrly organ ókilderi men medıatsııalyq ortalyq ókilderi qatysty.
