Qazaqstandyq maıly daqyldar Reseı men Qytaı naryǵyna shyǵarylatyn bolady
ÓSKEMEN. QazAqparat - ShQO aýmaǵynda óndiriletin maıly dándi daqyldardyń tuqymy endi elimizde ǵana emes, sondaı-aq, Reseı men Qytaı naryǵyna da shyǵarylatyn bolady. Bul týraly oblys ákimi Danıal Ahmetov turǵyndarǵa esep berý kezdesýinde málimdedi, dep habarlaıdy ákimdiktiń baspasóz qyzmeti.
Glýbokoe aýdanynyń Opytnoe pole aýylyndaǵy maı daqyldarynyń tájirıbelik sharýashylyǵy Elbasy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda kórsetilgen negizgi basymdylyqtardy iske asyrýǵa kirisip ketti. Halyqaralyq ınnovatsııalyq tehnologııalardy qoldana otyryp, gıbrıdti maıly dándi daqyldardyń jańa surpyn oılap tapqan kásiporyn atalmysh joba aıasynda úsh jyl jumys istegen. Osy oraıda, mamandardyń zamanaýı eýropalyq jáne amerıkalyq tehnologııalardy qoldanǵanyn aıta ketken oryndy.
Ótken jyly kúnbaǵys gıbrıdiniń úsh surypy tuqymdyq synamadan ótkizildi. Bolashaqta kúnbaǵys tuqymynyń bul túri Qazaqstan, Reseı, Qytaı naryǵynyń 20 paıyzyn jaýlap alýy múmkin.
Búginde shyǵysqazaqstandyq mamandar sheteldik áriptesterimen birge dándi daqyldardyń jańa surpyn óndirýdi qolǵa aldy.
