Qazaqstandyq mass-medıa qyzmetkerleri túrik telearnasynyń jumysymen tanysty
ANKARA. QazAqparat - TRT telearnasynda mass-medıa men IT qyzmetkerleri úshin halyqaralyq oqý semınary ótti. Túrkııa halyqaralyq yntymaqtastyq pen damý agenttiginiń shaqyrtýymen (TYDA) Ankaraǵa tájirıbe almasý úshin Qazaqstan, Qyrǵyzstan, Ózbekstan, Ázerbaıjan, Ýkraına, Mońǵolııa men Iraktan mamandar keldi, dep habarlaıdy «QazAqparat» HAA tilshisi.
«TYDA semınary kóp nársege úıretti. Eń aldymen, biz nege qabilettimiz, al TRT-nyń habar taratý artyqshylyqtary qandaı, sony salystyrdym. Keı tusta bizdiń grafıster ozyp jatyr, sondaı-aq áriptesterimizdiń tájirıbesimen almastyq. TRT-nyń tehnıkalyq jabdyqtalýy meni tańqaldyrdy, avtomatızatsııalaý jaqsy jolǵa qoıylǵan», - dedi «Qazaqstan» RTRK» AQ tehnıkalyq dırektorynyń orynbasary Nurjan Mustafın.
Aıta keteıik, 24-29 shilde kúnderi ótken semınardy TYDA uıymdastyrdy.
