Qazaqstandyq Marııa Agapova UFC-de úshinshi márte jekpe-jekke shyǵady
NUR-SULTAN. QazAqparat - Aralas jekpe-jekten álem chempıony, qazaqstandyq Marııa Agapova 9 qazanda oktagonǵa qaıta oralady, dep habarlaıdy QazAqparat.
Bul jaıynda ol óziniń Instagram paraqshasynda málim etti.
9 qazan kúni ol UFC-degi úshinshi jekpe-jegine shyǵady. Qazaqstandyq arýdyń qarsylasy - kolýmbııalyq Sabına Mazo.
Sabınanyń jasy 24-te, UFC-de 5 aıqas ótkizip úlgergen. Onyń úsheýinde jeńiske jetken.
Mazo sońǵy kezdesýinde Aleksıs Devısten jeńilip qalǵan bolatyn.
Eske sala keteıik, Marııa Agapova UFC alańynda eki márte óner kórsetti. Ótken jyldyń 13 maýsymynda ol UFC on ESPN 10 týrnırinde amerıkalyq Hanna Saıferspen jekpe-jek ótkizdi. Bul aıqas Marııa Agapovanyń jeńisimen aıaqtaldy.
23 jastaǵy qazaqstandyq sportshy úsh mınýttyń ishinde qarsylasynan basym tústi.
Osylaısha bul onyń sport jolyndaǵy toǵyzynshy jáne UFC alańyndaǵy birinshi jeńisi boldy.
Keıinnen 2020 jyldyń tamyzynda Marııa amerıkalyq Shena Dobsonnan jeńilip qaldy.
