Qazaqstandyq mánerlep syrǵanaýshylar Zagrebte qos qolaǵa qol jetkizdi
ASTANA. QazAqparat - Horvatııa astanasy Zagrebte mánerlep syrǵanaýdan ótip jatqan «Golden Spin of Zagreb» týrnırinde qos qazaqstandyq jasóspirim júldeger atandy, dep habarlaıdy QazAqparat tilshisi.
QR Ulttyq olımpıada komıteti málim etkendeı, Rahat Bralın men Alana Toqtarova jasóspirimder arasynda qola júldege ıe boldy.
R.Bralın eki jattyǵýdyń qorytyndysy boıynsha 153.66 upaı jınap, úshinshi orynǵa ilikti. Bul synda ıtalııalyq Gabrıel Frangıpanı 195.21 upaı jınap, chempıon atandy. Qytaılyq Iong Chen 166.25 upaımen kúmis júldeger atandy.
Jasóspirim qyzdar arasynda Alana Toqtarova qola medalǵa ıe boldy.
Búgin Zagreb aıdynynda eresekter arasyndaǵy doda bastalady. Qazaqstan namysyn Aıza Imambek, Nıkıta Manko jáne sporttyq jup Jansaıa Adyhanova men Ábish Baıqanov qorǵaıdy.
Zagrebtegi halyqaralyq týrnır 2001 jyldan beri olımpıadaǵa upaı beretin týrnır retinde ISU baǵdarlamasyna engen bolatyn. 2014 jyldan beri chellendjer sanatyndaǵy jarysqa balanady.
Qazaqstandyq Denıs Ten 2009, 2014 jáne 2015 jyldary atalǵan týrnırde úsh márte jeńiske jetken bolatyn.
Eske sala keteıik, budan buryn qazaqstandyq mánerlep syrǵanaýshylardyń Zagreb týrnırinde baq synaıtynyn jazǵan bolatynbyz.
