Qazaqstandyq mánerlep syrǵanaýshy Polshada ótken Gran-prı týrnırinde «kúmis» aldy
NUR-SULTAN. QazAqparat – Qazaqstandyq sportshy Mıhaıl Shaıdarov mánerlep syrǵanaýdan jastar Gran-prı týrnırinde «kúmis» medal jeńip aldy, dep habarlaıdy QazAqparat Olympic.kz-ke silteme jasap.
Mánerlep syrǵanaýshy Mıhaıl Shaıdarov ISU Junior Grand Prix týrnıriniń kúmis júldegeri atandy. Atalǵan týrnır Gdansk qalasynda ótti.
Qos baǵdarlama nátıjesi boıynsha Qazaqstan quramasynyń sportshysy Mıhaıl Shaıdarov 207.3 upaı enshiledi. Bul kórsetkish sportshyǵa ekinshi oryn alýǵa múmkindi berdi.
Altyn jáne qola medaldy reseılik Gleb Lýtfıllın (231.26) men Egor Rýhın (202.28) aldy.
