Qazaqstandyq mánerlep syrǵanaýshy “Istanbul Cup” jarysynda altyn medal jeńip aldy
ALMATY. 21 jeltoqsan. QazAqparat /Erlik Erjanuly/ - Mánerlep syrǵanaýshy Denıs Ten Túrkııadan oljaly qaıtty.
Ol Ystambul qalasynda 13-18 jeltoqsan kúnderi ótken "Istanbul Cup" jarysynyń jekeleı synynda jeńimpaz atanyp, sporttyq mansabyndaǵy eń joǵary 220,83 balǵa ıe boldy. Endi ol 7-12 aqpanda AQSh-tyń Spırngs qalasynda ótetin "Tórt qurlyqtyń chempıondary" jarysynda baq synaıdy. Sondaı-aq 26-naýryz ben 1-sáýir aralyǵynda Fravntsııanyń Nıtstse qalasynda bolatyn Álem chempıonatyna qatysady dep josparlanýda.
Bıyl 7-Qysqy Azııa oıyndarynda chempıon atanǵan Denıs Ten 11-14 tamyzda Kanadanyń Tornhıll qalasynda ótken "Summer Skate 2011" jarysynda 2-oryn (179,91 ball), 9-11 qyrkúıekte AQSh-tyń Ontarıo qalasynda "Rim of the World" básekesinde 1-oryn (193,45 ball) aldy. Odan keıin Ontarıoda 21-23 qazan kúnderi ótken "Skate America" Gran-prı kezeńinde 5-oryn ( 197,98 ball) jáne 28-30 qazanda Kanadanyń Mıssıssaýga qalasynda bolǵan "Skate Canada" Gran-prı kezeńinde 2-oryn (212.39ball ), al 8-11 jeltoqsan kúnderi Horvatııanyń Zagreb qalasynda "Golden Spin of Zagreb" týrnırinde kúmis júldeger (220.47 ball) atandy.
