Qazaqstandyq mamandar Túrkııada zilzaladan zardap shekken 60 adamǵa dárigerlik kómek kórsetti

ASTANA. QazAqparat – Tótenshe jaǵdaılar mınıstrligi Túrkııadaǵy jer silkinisiniń saldaryn joıý jáne adamdardy izdestirý-qutqarý jumysy boıynsha sońǵy aqparatty jarııalady, dep habarlaıdy QazAqparat tilshisi.

«Búgingi tańda Qazaqstan qutqarýshylary Gazıantep jáne Nurdaǵy qalasynda izdestirý-qutqarý jumysyn jalǵastyryp jatyr. Qazirgi ýaqytta úıindi astynan 7 adam qutqarylyp, 67 máıit shyǵaryldy. Sonymen qatar 60-tan astam zardap shekken men naýqastarǵa medıtsınalyq kómek kórsetildi. Jylytý pýnkterine 200-den astam adam ornalastyryldy. Іzdestirý-qutqarý jumysy jalǵasady», – dedi TJM tótenshe jaǵdaılardy joıý departamentiniń bastyǵy Qaharman Orazalın.

Aıta ketsek, buǵan deıin qazaqstandyq qutqarýshylar Túrkııada 7 adamdy qutqaryp, 53 adamnyń máıitin shyǵarǵan edi.

Eske salaıyq, Túrkııada jer silkinisinen qaza tapqandar sany 31 myńnan asty.

Sondaı-aq, elimizdiń Syrtqy ister mınıstrligi habarlaǵandaı, Túrkııada zilzala ornynan taǵy bir qazaqstandyqtyń denesi tabyldy.

Vıdeodan alynǵan kadr