Qazaqstandyq mamandar Frantsııadan kelgen perfýzıolog dárigerlerden dáris aldy
Kardıologııa jáne ishki aýrýlar ǵylymı-zertteý ınstıtýtynda «Perfýzııa jáne jasandy qanaınalym salasyndaǵy ınnovatsııalar» taqyrybynda perfýzıolog dárigerlerge arnalǵan semınar jáne sheberlik sabaǵy ótti.
Aýtotransfýzııany klınıkalyq qoldanýdyń tereńdetilgen kýrsyn Eýropada perfýzııa jáne jasandy qanaınalym salasyndaǵy jetekshi maman, Frantsııadan kelgen professor, doktor ıÝsef El Dzýkı (Youssef El Dsouki) ótkizdi.
Oǵan Almaty, Abaı qalalary men Aqmola, Qostanaı, SQO, BQO jáne elimizdiń basqa óńirleriniń medıtsınalyq JOO, ǵylymı ortalyqtarynyń, oblystyq jáne qalalyq ortalyq jáne kópbeıindi aýrýhanalary men kardıoortalyqtarynyń, sondaı-aq jeke medıtsına klınıkalarynyń perfýzıolog dárigerleri qatysty.
Sheberlik sabaq sheńberinde qatysýshylar perfýzııa jáne aýtotransfýzııa salasyndaǵy ınnovatsııalyq tehnologııalarmen tanysty. Perfýzıologtar jaqsy nátıjelerge ákeletin, tekserýden ótken ádisterdiń kómegimen kardıohırýrgııalyq operatsııalar jasaý kezinde jasandy qanaınalym jáne qandy basqaryp turýdyń eń joǵarǵy standarttaryn qalaı qoldaný kerektigin úırendi. Semınar barysynda alynǵan bilimderin perfýzıolog dárigerler praktıkalyq jumysynda paıdalanatyn bolady.
«Biz dárigerlerdiń kásibı ósýi úshin barlyq qajetti jaǵdaılar jasaımyz. Ár maman únemi jańa bilim men daǵdylardy meńgerip, medıtsına salasyndaǵy ınnovatsııalar týraly habardar bolýy tıis. Bizdiń mamandar jaqyn jáne alys shetelde únemi biliktiligin arttyryp otyrady, patsıentter sapaly, ýaqytyly jáne bilikti kómek alýy úshin áriptesterimen tájirıbe almasady», - deıdi Kardıologııa jáne ishki aýrýlar ǴZI Basqarma tóraǵasy Roza Kýanyshbekova.
Onyń aıtýynsha, qazirgi tańda júrekke jasalatyn aýyr operatsııalar perfýzıologtyń qatysýynsyz jasalmaıdy. Perfýzıolog barlyq ómirlik mańyzdy organdardyń ońtaıly qanaınalymyn baqylaıtyn dárigerlerdiń kardıohırýrgııalyq tobynyń «júregi».
«Kóptegen jyldar boıy qanaınalym aǵzalarynyń aýrýlary ólim-jitimniń negizgi sebebi bolyp keledi. Profılaktıka júrgizý, ýaqytyly dıagnostıkalaý, emdeýdiń joǵary tehnologııalyq ádisterin engizý, onyń ishinde ashyq júrekke operatsııa jasaý patsıentterdiń densaýlyǵyn saqtaýǵa, olardyń ómir súrý uzaqtyǵyn arttyrýǵa múmkindik beredi. Kardıohırýrgııalyq aralasýlardyń kópshiligin oryndaý kezinde jasandy qanaınalym júrgiziledi»,- dedi dáriger.
Doktor ıÝsef El Dzýkı Qazaqstan kardıohırýrgııa salasyndaǵy Ortalyq Azııadaǵy eń damyǵan el ekenin, Almaty men Nur-Sultanda joǵary standarttardy ustanatynyn atap ótti.
«Perfýzıolog dáriger ashyq kardıohırýrgııalyq operatsııalar kezinde patsıenttiń júregin toqtatady jáne qaıta qosady. Ol jasandy qanaınalym apparatynyń qalaı jumys isteıtindigin baqylap turady, osynyń arqasynda patsıenttiń júregi ýaqytsha toqtatylyp, ókpesi tynys almaǵan kezde qan patsıenttiń aǵzasy boıynsha aınalyp turady. Operatsııa jasalyp jatqan kezde naýqastyń júrek soǵysy men tynys alý fýnktsııalary onyń aǵzasynan tys shyǵarylady», - deıdi ǴZI jasandy qanaınalym zerthanasy bar kardıohırýrgııa bólimshesiniń meńgerýshisi Rústem Tóleýtaev.
