Qazaqstandyq mamandar AppStore-de 50 biregeı mobıldi qosymsha jasamaq
ALMATY. QazAqparat - Qazaqstandyq baǵdarlamashylar AQSh-taǵy kremnıı alańynda ótetin programmısterdiń 2 aılyq jazǵy baǵdarlamasyna qatyspaq. Olar AppStore-de 50 qazaqstandyq biregeı mobıldi qosymsha jasaýmen aınalysady.
«Belarýs, Ýkraına, Izraıl, Shvetsııa elderiniń ІT kompanııalarynyń jetken keremet jetistikterine kýá bolyp jatyrmyz. Qazaqstanda da talanty mamandar bar. Biraq, bizde kadrlar tapshylyǵy bilinedi», - dedi «n17r.com» ınkýbatorynyń jetekshisi Arman Súleımenov.
Bıyl tek qana baǵdarlamashylar ǵana emes, marketologtar men dızaınerler de atsalysyp jatyr. Mobıldi tek shyǵaryp qoıý azdyq etedi. Ár qosymshany jasaýǵa jan-jaqty mamandar tartylatyn bolady.
«Bir aıdan soń men Kremnıı alańynda bolamyn. Google kompanııasynda nebir maıtalmandardyń arasynda tájirıbe almasýdan ótemin. «TheSummerStartupSchool» baǵdarlamasy boıynsha oqyǵan kezde meniń ózime degen senimdiligim artty. Ózimniń dostaryma da jaz mezgilin paıdaly ótkizýge keńes beremin»,- dedi programmısterdiń biri Ánýar Serikov.
Aıta ketý kerek, byltyrǵy baǵdarlama barysynda qazaqstandyq komanda 37 biregeı iPhone-qosymsha oılap tapqan bolatyn.
