Qazaqstandyq Mahmýd Sabyrhan bokstan Azııa chempıony atandy

ASTANA. QazAqparat – Bokstan 22 jasqa deıingi sportshylar arasyndaǵy Azııa chempıonatynda qazaqstandyq Mahmýd Sabyrhan chempıon atandy, dep habarlaıdy QazAqparat tilshisi.

Taıland astanasy Bangkok qalasynda ótip jatqan qurlyqtyq dodada 57 kelide synǵa túsip jatqan Mahmýd Sabyrhan taılandyq Saravýt Sýkthetpen qolǵap túıistirdi. Jekpe-jek tartysty ótti. Tóreshiler sheshimi ekige bólindi. Nátıjesinde basym daýyspen qazaqstandyq boksshy jeńimpaz atandy.

Aıta ketsek, Mahmýd eresekter arasynda 2022 jylǵy Azııa chempıonatynda kúmis júlde alǵan edi. Onyń sheberligine tánti bolǵan sheteldik basylymdar oǵan «Kazaq Lomachenkosy» degen baǵa bergen bolatyn.

Sondaı-aq, búgin qurlyqtyq dodada Sanjar Táshkenbaı (48 keli) men Nursultan Altynbek (54 keli) jeńis tuǵyryna kóterildi.

Eske salsaq, budan buryn bokstan jastar arasynda Azııa chempıonatynda qazaqstandyq qyzdar quramasy úzdik úshtikti túıindedi.

Foto:prosports.kz