Qazaqstandyq loýkoster qalaaralyq reısterdi 86% deıin arttyrady
NUR-SULTAN. QazAqparat – 2020 jyldyń jazynda FlyArystan qalalar arasynda qatynaıtyn áýe reısteriniń sanyn eki esege arttyrady. Bıletterdiń baǵasy 8999 teńgeden bastalady, dep habarlaıdy QazAqparat.
Qazaqstandaǵy alǵashqy loýkoster - FlyArystan Almaty men Nur-Sultannan jańa áýe baǵyttaryn ashýdy, sondaı-aq suranysy joǵary reısterdiń sanyn arttyrýdy josparlaýda.
Máselen, «Almaty-Qostanaı-Almaty» jańa baǵyty 12 naýryzdan bastap kúndelikti oryndalatyn bolady. Osy baǵyttaǵy eń arzan tarıf quny 8999 teńgeden bastalady. Al Almatydan Aqtóbege jáne de keri qaraı ushaqtar 20 sáýirden aptasyna 3 ret qatynaıdy. Bıletter baǵasy 11 999 teńgeden joǵary.
Al bıylǵy jazdan bastap kelesi reısterdiń sany artatyn bolady:
- «Almaty-Shymkent-Almaty», reıster sany 86% artyp, aptasyna 13 reıske deıin kóbeıdi;
- «Almaty-Pavlodar-Almaty», reısterdiń sany 43% artyp, aptasyna 10 ret oryndalady.
- «Almaty-Nur-Sultan-Almaty», kúnine 2 ret oryndalǵan reıster 50% artyp, kúnine 3 ret qatynaıtyn bolady.
- «Almaty-Qaraǵandy-Almaty», reısterdiń sany 29% artyp, aptasyna 9 ret oryndalady.
Aǵymdaǵy jylǵy 25 qazanǵa deıin oryndalatyn reısterge bıletterdi kompanııa saıtynan búginnen satyp alýǵa bolady.
Eske salaıyq, birneshe kún buryn atalmysh avıakompanııa Almaty men Nur-Sultannan Qyzylordaǵa, sonymen qatar bıylǵy naýryz aıynda elordadan Petropavl men Kókshetaý qalalaryna jańa reıster ashatyny habarlandy.
