Qazaqstandyq loýkoster Astana men Ankara arasynda jańa reısterdi iske qosady
ASTANA. QazAqparat - Azamattyq avıatsııa komıteti qazaqstandyq avıakompanııalarmen birlesip halyqaralyq reıs sanyn ulǵaıtý jáne ushý geografııasyn keńeıtý boıynsha jumys júrgizip jatyr, dep habarlaıdy QazAqparat.
Máselen, 23 mamyrdan bastap «Fly Arystan» avıatasymaldaýshysy Airbus – 320 úlgisindegi áýe kemelerinde aptasyna 2 reıs jıiligimen (seısenbi, senbi) Astana - Ankara baǵyty boıynsha tikeleı turaqty jolaýshylar reısin ashýdy josparlap otyr.
Qazaqstan men Túrkııa arasyndaǵy reıs sanynyń artýy elder arasyndaǵy saýda-ekonomıkalyq, týrıstik jáne mádenı yntymaqtastyqty odan ári damytýǵa yqpal etpek.
