Qazaqstandyq qyzyqty taǵdyr ıeleri óz ómirlerinen syr shertedi
ASTANA. 29 maýsym. QazAqparat - Seısenbi kúni, 3 shildede «Nazarbaev ortalyǵy» kóp fýnktsııaly ǵylymı-taldamalyq jáne gýmanıtarlyq-aǵartýshylyq memlekettik mekemesinde «Elimniń taǵdyry - meniń taǵdyrym!» atty birinshi respýblıkalyq forýmy
ótedi. Bul týraly «Nazarbaev ortalyǵynyń» qoǵammen baılanys ortalyǵy habarlaıdy.
Forýmnyń maqsaty - táýelsizdik jyldaryndaǵy Elbasy Nursultan Nazarbaev qalyptastyrǵan damýdyń «qazaqstandyq joly» jetistikterin otandastarymyzdyń taǵdyry arqyly kórsetý.
Forým jumysyna Otanǵa degen mahabbat pen patrıotızmdi bárinen de qymbat qundylyq dep sanaıtyn qazaqstandyqtar qatysady. Olardyń arasynda Halyq Qaharmany, QR Parlamenti Májilisiniń depýtaty, general-leıtenant Baqytjan Ertaev,Taldyqorǵan qalasynyń «Ardager ájeler» oblystyq komıtetiniń tóraıymyDına Nurǵalıeva, «Otan», «Parasat», «Dostyq» ordenderiniń kavaleri, «Rodına» agrofırmasynyń bas dırektory Ivan Saýer, Qaraǵandy oblysy Q.Baıjanov atyndaǵy kontserttik birlestiktiń «Araı» ansambliniń solıst-ánshisi Merýesh Bashaı jáne basqa da kóptegen qazaqstandyqtar bar.
Іs-sharaǵa QR Parlamenti músheleri, memlekettik organ ókilderi, kórnekti qoǵam jáne saıasat qaıratkerleri, mádenıet pen óner, bilim men densaýlyq salasy, shyǵarmashylyq jáne ǵylymı zııaly qaýym, úkimettik emes uıymdar, ekonomıkanyń túrli sektory men buqaralyq aqparat quraldarynyń ókilderi qatysady.
Respýblıkalyq forým aıasynda taqyrypqa saı fotokórme ashylady, ony bıylǵy 30 shildege deıin tamashalaýǵa bolady.
