Qazaqstandyq qyzdar jaǵajaı voleıbolynan Olımpıada joldamasy sarapqa salynǵan Qurlyqtyq kýboktyn jartylaı fınalynan súrindi
ALMATY. 24 maýsym. QazAqparat - Jaǵajaı voleıbolynan Qytaıdyń Fýchjoý qalasynda ótip jatqan Qurlyqtyq kýboktyń aqtyq kezeńinde qazaqstandyqtar HHH Jazǵy Olımpıada oıyndarynyń joldamasyna qol jetkize almady.
20 maýsymda bastalǵan bul dúbirli dodada qyzdar jartylaı fınaldan, al jigitter shırek fınaldan súrindi. Atap aıtqanda Alekseı Sıdorenko men Aleksandr Dıachenko avstralııaqtarǵa 1:0, 1:2, Dmıtrıı ıAkovlev pen Alekseı Kýleshov 0:2 bop utyldy. Al Tatıana Mashkova men Irına Tsymbalova jáne Baqytgúl Samalıkova men Lıýbov Bogatý qytaılyqtarǵa dál osyndaı eseppen ese jiberdi. Endi London Olımpıadasynyń joldamasyn jeksenbi kúni jigitter arasynda Japonııa men Avstralııa, áıelder arasynda Qytaı men Avstralııa quramalary ózara sarapqa salady.
Jalpy Qurlyqtyq kýboktyń aqtyq kezeńine erler arasynda 14 elden 28 jup, áıelder arasynda 13 elden 26 jup qatysqan bolatyn. Qazaqstandyqtar sportshylar jigitter arasynda 1/8 fınalda Jańa Zelandııa quramasyn 3:1 esebimen utsa, áıelder 1/8 fınalda ındonezııalyqtardy 3:2, al shırek fınalda vetnamdyqtardy 3:1 esebimen utty.
