Qazaqstandyq Qytaıdaǵy bı chempıonatynda úzdik úshtikke ilindi

BEIJІŃ-HEFEI. QazAqparat - On jasar Amıra Qabazıeva Anhoı provıntsııasynyń Hefeı qalasynda sporttyq jáne bal bılerinen ótken Qytaı ashyq chempıonatynda ózi qatysqan jas sanatynda úzdik úshtik qatarynan kórindi, dep habarlaıdy «QazAqparat» HAA-nyń menshikti tilshisi.

Chempıonatqa Qytaıdyń bı mektepteriniń 8 myń tárbıelenýshisi qatysyp, eýropasha bıler (vals, kvıkstep, fokstrot), Latyn Amerıkasynyń bılerin (samba, cha-cha-cha, rýmba, pasodobl, djaıv) usyndy.

A. Qabazıeva «Vals, tango, djaıf ı rýmba» atalymynda jeke jáne juptyq oryndaý boıynsha júldeger atandy. Ol buryn da Beıjińde, Gonkongte, Nankınde ótken osyndaı jarystarda top jarǵan.

A. Qabazıeva úsh jyldan beri QHR-daǵy RF elshiliginiń janyndaǵy «Rýsskıı stıl» bı klýbynyń sektsııasynda Marııa Pıanovanyń jetekshiligimen jattyǵady. Oǵan deıin Qazaqstanda Alma Saǵadıeva basqaratyn «Kóbelek» ansamblinde shyǵys jáne álem halyqtary bıleriniń qyr-syryn úırendi.

Ákesi Manarbek Qabazıevtiń aıtýynsha, jyl sońyna deıin Amıra Sıngapýrda, Italııada jáne Ulybrıtanııada ótetin halyqaralyq jarystarǵa qatysady.