Qazaqstandyq qysqametrajdy fılm Azııanyń «Oskaryn» aldy
ASTANA. QazAqparat - Qazaqstandyq rejısser Elzat Eskendirdiń «Óliara» fılmi Ońtústik Koreıada ótken Pýsan halyqaralyq kınofestıvaliniń syılyǵyn jeńip aldy, dep habarlaıdy QazAqparat.
Elzat Eskendirovpen birge Sonje Award atalymyna Viewer (kórermen) fılmi úshin ońtústikkoreıalyq Kım Soýen de laıyqty dep tabyldy. Jeńimpazdarǵy syılyq retinde músin men 10 mln koreıalyq von (10 myń dollar) beriledi.
Aıta keteıik, fılm tanymal jazýshy Oralhan Bókeıdiń povesiniń negizinde túsirilgen. Bul povestiń basty keıipkeri - baqtashy. Aı týatyn ýaqytta ol rýhanı daǵdarysty bastan ótkeredi. Ol áıeliniń «kózine shóp salǵanyn» bilip qalyp, odan múldem ketip qalmaq bolady.
Qoıýshy-rejısseri Elzat Eskendir, stsenarıı avtory - Elzat Eskendir men Ómirjan Ábdihalyquly. Basty rólderde Asylbolat Smaǵulov, Baıan Qajynabıeva, Dýlyǵa Aqmolda jáne Maqsat Ábdirahmen oınaıdy. Al, fılmniń prodıýseri Sergeı Ázimov, qosymsha-prodıýserleri Anna Vılgelmı (Germanııa), Darııa Ázimova.
Atqarýshy prodıýser - Dáýren Darııabek.
Pýsan halyqaralyq festıvali Azııadaǵy eń tanymal festıvaldardyń biri. Ol 1996 jyldan bastap, jyl saıyn Pýsan qalasynda ótedi. Festıvalda negizinen rejısserlik jumysty endi bastap kele jatqan jas mamandardyń jańa shyqqan fılmderine basymdyq beriledi. Onyń resmı túrde ótetin orny Pýsan kınoortalyǵy.
