Qazaqstandyq quzǵa órmeleýshiler Taılandta daıyndyqtan ótti
Armııalyq sportshylar Qazaqstan Respýblıkasy quramasynyń quramynda jattyqty. Shyńǵa órmeleýshilerdiń basty mindeti 8 (a)-dan bastap 8 (s)-ǵa deıin neǵurlym kóp kúrdeli baǵdardan ótý boldy. Barlyǵy armııashylar shamamen 30 baǵdardan ótti. Artem men Nıkıta Devıaterıkovtar halyqaralyq dárejedegi sport sheberleri. Bul daryndy sportshylardan qazaqstandyq jáne álemdik áskerı sport áleminde úlken úmit kútýge bolady.
25 aqpanda «jyldamdyq» jáne «bolderıng» túrlerinde sporttyq quzǵa órmeleý boıynsha Qazaqstan Respýblıkasy kýbogy birinshi kezeńiniń saıysy bastalatynyn aıta keteıik. Odan basqa, aqpannyń 1-i men 14-i aralyǵynda Qyrǵyz Respýblıkasynyń Ala-Arsha shatqalynda halyqaralyq alpınızm festıvali aıasynda ótkizilgen tehnıkalyq dárejedegi alpınızmnen álem chempıonaty ótti. Saıysqa Qazaqstan, Qyrǵyzstan, Reseı jáne Ýkraınanyń 9 komandasy qatysty. Qazaqstandyq quramanyń negizgi quramynda alpınızmnen 1-dárejeli sportshy QR QK-niń qyzmetkeri Tursynálı Áýbákirov qatysty. Halyqaralyq alpınızm festıvaliniń qatysýshylaryna 5 (a)-dan bastap 6 (a)-ǵa deıingi kúrdeli sanattaǵy shyńdy baǵyndyrýǵa týra keldi»,- delingen Qorǵanys mınıstrligi taratqan aqparatta
