Qazaqstandyq qutqarýshylar Túrkııada úıindi astynan 88 adamnyń denesin shyǵardy
Baspasóz qyzmetiniń málimetterine qaraǵanda, QR Tótenshe jaǵdaılar mınıstrligi Apattar medıtsınasy ortalyǵynyń dárigerleri zardap shekkenderge táýlik boıy medıtsınalyq kómek kórsetýde. Osyǵan deıin 140-tan astam jergilikti turǵynǵa, sonyń ishinde 17 balaǵa medıtsınalyq kómek kórsetildi. Olardyń ishinde strestiń jedel reaktsııasymen, salqyn tııý, tynys alý joldarynyń aýrýlarymen, sondaı-aq ártúrli jaraqattarmen baılanysty aýrýlar basym.
Іzdestirý jumystary bastalǵaly jedel shtab jumys istep tur. Onyń maqsaty tótenshe jaǵdaı aımaǵyndaǵy jaǵdaı týraly derekterdi jınaý, óńdeý jáne taldaý, qajetti aqparatty berý, tótenshe jaǵdaıdyń kúrdelenýin jáne olardyń saldaryn boljaý, tótenshe jaǵdaımen kúres boıynsha jedel sheshim qabyldaý úshin usynystar daıyndaý bolyp tabylady.
Qazirgi ýaqytta qazaqstandyq qutqarýshylar eki eldi mekende izdeý-qutqarý jumystaryn júrgizip jatyr. Qıraǵan úılerdiń ornyndaǵy úıindilerdiń arasyn ashý jumystary júrgizilip jatyr. Qutqarýshylar turaqsyz qurylymdardy bólshekteý jáne arnaıy keskishtiń kómegimen jol tazartý jáne qırandylardyń astynan zardap shekkenderdi izdeýdi jeńildetý úshin úıindilerdiń astyndaǵy armatýrany kesý jumystary júrgizýde. Bul beton, arqalyqtar jáne basqa da qurylys qaldyqtaryn bólshektep, arnaıy tehnıkaǵa júkteýdi jeńildetý úshin jasalady.
Gazıantep qalasy birinshi eshelonmen barǵan qutqarýshylar táýlik boıy eki aýysymda eki ýchaskede jumys istep jatyr.
Qutqarýshylardyń bir toby toǵyz qabatty ǵımaratta jumys júrgizýde. Ǵımarat tolyǵymen qıraǵan. Úıindilerdiń arasynan adamdardy izdeý jumystary jalǵasýda. Bul jerde úıindilerdiń astynan 4 adam qutqaryldy, 30 adamnyń denesi shyǵaryldy.
Qutqarýshylardyń basqa toby alty qabatty ǵımaratta jumys júrgizýde. Ǵımarat tolyǵymen qıraǵan. Úıindilerdiń arasynan adamdardy izdeý jumystary júrgizilýde, 24 adamnyń denesi shyǵaryldy.
Qazaqstann TJM ekinshi eshelonmen barǵan qutqarýshylar Túrkııaǵa kelgen sátten bastap Nýrdagy qalasynda izdeý-qutqarý jumystaryn táýlik boıy júrgizýde. Tolyǵymen qıraǵan ǵımaratta qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystar júrgizdi.
Qazaqstandyq qutqarýshylar óte tereńde jatqan úıindilerdiń astynan zardap shekkenderdi evakýatsııalaý úshin jol ashý jumystaryn oryndap, 18 myń tekshe metrden astam úıindiniń astynan úsh tiri adamdy - er adam men eki áıeldi shyǵardy. Qaıtys bolǵan 11 adamnyń denesi shyǵaryldy. Zardap shekken adamdardy izdeýge tehnıkalyq quraldar, úıindilerdi bólshekteýge ınjenerlik tehnıka paıdalanylýda. Úıindilerdiń arasynan adamdardy izdeý jumystary júrgizilýde.
