Qazaqstandyq qutqarýshylar qys mezgilindegi tótenshe jaǵdaılarǵa daıyndalýda
ASTANA. QazAqparat - 2017 jylǵy 9 qarashada Qazaqstan Respýblıkasynda «Qysqy kezeń jaǵdaıynda tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdary men kúshterin daıarlaý» taqyrybyndaǵy «Qys-2017» respýblıkalyq komandalyq-shtabtyq oqý-jattyǵýy bastaldy, dep habarlady búgin QR ІІM Tótenshe jaǵdaılar komıtetiniń baspasóz qyzmeti.
Baspasóz málimetterine qaraǵanda, oqý-jattyǵý sharalary 2017 jylǵy 9-10 qarasha aralyǵynda ótedi.
Jattyǵýdyń basshylyq shtaby Aqtóbe qalasynda ornalasady, al basshysy Qazaqstan Respýblıkasy Іshki ister mınıstriniń orynbasary ıÝ.V.Ilın.
Oqý-jattyǵý qys kezeńindegi tótenshe jaǵdaılardy joıýǵa Azamattyq qorǵaý memlekettik júıesiniń jáne halyqtyń daıyndyq deńgeıi men qabiletin arttyrý, azamattyq qorǵaý qyzmetteri men quramalarynyń qysqy kezeńdegi tótenshe jaǵdaıǵa den qoıýǵa ázirligin tekserý maqsatynda ótkiziledi.
«Qys-2017» oqý-jattyǵýy aıasynda respýblıka boıynsha tótenshe jaǵdaılardy joıý jáne zardap shekkenderge kómek kórsetý boıynsha is-áreketterdi pysyqtaý úshin arnaıy-taktıkalyq jattyǵýlar ótkiziledi.
