Qazaqstandyq qurylysshylar kásibı merekesin atap ótýde
Qurylys salasy qyzmetkerleriniń kásibı merekesi jyl saıyn tamyz aıynyń ekinshi jeksenbisinde toılanady. «Qazaqstan Respýblıkasyndaǵy merekeler tizbesin bekitý týraly» Úkimettiń 2017 jylǵy 31 qazandaǵy №689 qaýlysymen bekitilgen.
KSRO ydyraǵannan keıin kásibı merekeni Armenııada, Belarýste, Qyrǵyzstanda, Reseıde, Ýkraınada qurylysqa tikeleı qatysy bar barlyq azamattar jyl saıyn osy kúni atap ótedi.
Bul merekeniń tarıhy Keńes Odaǵy kezinen bastalady. 1955 jyly KSRO Joǵarǵy Keńesi Prezıdıýmynyń Jarlyǵymen jańa kásibı mereke belgilendi. Ekinshi dúnıejúzilik soǵys bitkennen keıin memleketti qalpyna keltirgen, Otan ıgiligi úshin eńbek etken qurylysshylardyń eńbegine memleket tarapynan qurmet kórsetildi.
Dástúr boıynsha bul kúni nemese bir kún buryn qurylys salasynyń ardagerleri quttyqtalyp, aldyńǵy qatarly qurylys kompanııalary men salada eńbek sińirgen qyzmetkerler marapattalady. Osy maqsatta «Qurmetti qurylysshy» tósbelgisi taǵaıyndaldy.