Qazaqstandyq kýrsant Reseıdiń úzdik sadaqshylary qataryna endi (FOTO)

ASTANA. QazAqparat - Qazaqstandyq kýrsant Almas Uldarbekov «klassıkalyq sadaq atý-jastar» sanatyndaǵy sadaq atý boıynsha Reseı Federatsııasyndaǵy birinshilikten sátti shyǵyp Reseılik úzdik sadaqshylar qataryna tabyldy.

Jarys barysynda Almas Reseıdiń barlyq óńirlerinen kelgen myqty qarsylastarynan basyp ozyp óz sanaty boıynsha aıtarlyqtaı joǵarǵy nátıjeler kórsetti, dep habarlaıdy QR Qorǵanys mınıstrliginiń baspasóz qyzmeti. Jarystyń qorytyndysy boıynsha barlyǵy 464 ball jınap nátıjesinde Reseıdiń TOP - 40 úzdik sadaqshylary tizimine endi. Qazirgi kezde Almas armııa generaly V.F.Margelov atyndaǵy Rıazansk joǵary áýe-desanty ýchılışesiniń «áýe-desanty áskerlerinde bólimshe baılanysyn qoldaný» mamandyǵynda ekinshi kýrsta oqıdy. Ol sadaq atý boıynsha saıysqa oqý ornynyń atynan udaıy qatysady. Osy oraıda sporttaǵy sheberligin jetildirýge oǵan úzdiksiz jattyǵýlar kómektesedi. Oqytý aıaqtalǵan soń Qazaqstanǵa kelip sadaqtan atý boıynsha elimizdiń atynan halyqaralyq deńgeıdegi jarystarda qatysyp, Qazaqstannyń Qarýly Kúshteriniń abyroıyn qorǵaıtyn bolady.