Qazaqstandyq Krıstına ıAlovenko - Avstrııada áıelder kúresinen ótken týrnırdiń jeńimpazy
ASTANA. 6 aqpan. QazAqparat - Avstrııanyń Volfýrtinde áıelder kúresinen «Flats Oýpen» halyqaralyq týrnıri aıaqtaldy, dep habarlady Qazaqstannyń kúres federatsııasynan.
Jarys úsh jas ereksheligi boıynsha ótti: áıelder, jasóspirim qyzdar jáne kadetter.
Qazaqstan atynan jasóspirim qyzdar ǵana óner kórsetti. Nátıjesinde qorjynymyzda - bir altyn medal jáne bir besinshi oryn.
51 keli salmaq dárejesinde Krıstına ıAlovenko chempıon boldy. Bul salmaq sanatynda 10 sportshy baq talastyrdy. K.ıAlovenko kvalıfıkatsııalyq týrnırdi ótkizip jiberip, kúresti ¼ fınaldan bastady. Bul kezeńde ol Vengrııa sportshysy Rıgıtta Nagıdi 3:0 esebimen jeńdi. Al fınalǵa joldamany alý úshin Polsha boıjetkeni Sılvııa Sýlchpen alańǵa shyqty. Jeńis qazaqstandyq qyzdyń qolynda.
Aqtyq synda Krıstına Tómengi Sılezııa (Polsha) ókili Lona Amılýsıkpen kezdesip, 5:0, 8:1 esebimen aıqyn jeńiske jetti.
Besinshi orynǵa 67 keli salmaq dárejesinde Gúlmaral Erkebaeva qol jetkizdi.
