Qazaqstandyq qos jasóspirim tennısshi alǵash ret Aýstralııa ashyq chempıonatynda oınaıdy
NUR-SULTAN. QazAqparat – Qazaqstandyqtar, Team Kazakhstan akademııasynyń tárbıelenýshileri Arýjan Saǵyndyqova men Maksım Batıýtenko Aýstralııa ashyqchempıonatynyń jasóspirimder týrnırinde oınaıdy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, osylaısha el tennısi tarıhynda alǵash ret qos qazaqstandyq jasóspirim «Úlken dýlyǵa» dodasynda synǵa túspekshi.
Arýjan jarysty negizgi kezeńnen bastaıdy. Maksım irikteý saıystarynda baq synaıdy.
A.Saǵyndyqova men M.Batıýtenko – Qazaqstannyń 18 jasqa deıingiler arasyndaǵy birinshi raketkalary.
Temirtaýlyq, 16 jastaǵy M.Batıýtenko osyǵan deıin ITF serııasymen tórt týrnırde (ekeýi jekeleı, taǵy ekeýi juptyq synda) jeńimpaz atandy. Al 17 jastaǵy Arýjan alty ret osyndaı tıtýlǵa (úsheýi jekeleı, úsheýi juptyq synda) qol jetkizdi.
Eske sala keteıik, budan buryn Elena Rybakınanyń
chempıondyq reıtıngide ekinshi orynǵa kóterilgenin jazǵan bolatynbyz.
