Qazaqstandyq qos tennısshi shetelde ótken týrnırde top jardy
NUR-SULTAN. QazAqparat - Qazaqstandyqtar Tımofeı Skatov pen Gózal Aınıtdınoaa shetelde ótken týrnırde top jardy, dep habarlaıdy QazAqparat tilshisi.
T.Skatov Túrkııanyń Antalııa qalasynda ITF jarysynda baq synady.
Fınalǵa deıin tórt qarsylasyn tize búktirgen reıtıngte 579-orynda turǵan T.Skatov sońǵy básekede serbııalyq Mılıan Zekıchpen (554-raketka) kúsh synasty.
Qazaqstandyq tennısshi tartysty matchta qarsylasyn 6:3, 4:6, 6:3 esebimen jeńip, chempıon atandy.
Reıtıngte 503-oryndaǵy G.Aınıtdınova Týnıstegi osyndaı týrnırde bes kezdesý ótkizdi.
Fınalda Belarýs ókili ıÝlııa Hatýkany (529-raketka) 6:2, 6:4 esebimen utyp, ol da bas júldege ıe boldy.
Eske sala keteıik, budan buryn M.Kýkýshkın men A.Býblıktiń juptyq synda Aýstralııa chempıonatynyń shırek fınalyna shyqqanyn, al E.Rybakına men Z.Dııastyń úshinshi aınalymǵa óte almaǵanyn jazǵan bolatynbyz.
