Qazaqstandyq kórkem gımnastshy Azııa kýbogynyń úsh «altynyn» ıelendi
ASTANA. QazAqparat - Mońǵolııada ótken kórkem gımnastıkadan Azııa kýbogynda qazaqstandyq Aıdana Sarybaı birneshe medal oljalady, dep habarlaıdy QazAqparat Olympic.kz saıtyna silteme jasap.
Atap aıtqanda, Aıdana shyǵyrshyq, urshyq jáne taspamen jattyǵýda úsh «altyn» ıelense, doppen jattyǵýda kúmis júldeger atandy.
Sondaı-aq jasóspirimder arasynda synǵa túsken Eljana Tanıeva da úsh altyn medalǵa qol jetkizdi. Ol shyǵyrshyq, dop jáne taspamen jattyǵýda úzdikter qatarynan kórinip, urshyqpen jattyǵýda «kúmisti» qanaǵat tutty.
Mońǵolııa astanasy Ulan-Batyrda kórkem gımnastıkadan Azııa kýbogy 25-28 qazan kúnderi aralyǵynda ótti.
