Qazaqstandyq kórkem fılm azııalyq «Oskarǵa» joldama aldy
ASTANA. QazAqparat - Qazaqstandyq «Kúrke» fılmi álemdik deńgeıdegi kınofestıvalderdiń bas júldesine usynyldy. Bul týraly «Astana» arnasy habarlady.
«Kúrke» dep atalatyn art-haýs janryndaǵy kórkem fılm Avstralııada ótetin «Azııalyq Oskar» dárejesindegi óner baıqaýynyń short-paraqshasyna engen.
Kartına buǵan deıinde TMD, Eýropa jáne Azııa elderinde birneshe kınobaıqaýlarda úzdikter qatarynan tabylǵan. Fılmge qazaq jigiti Sapar men qyrǵyz qyzy Aıshúrek arasyndaǵy ǵashyqtyq sezim arqaý bolǵan. Mal baǵyp júrip tanysqan eki jastyń kúrke ishindegi ómiri sheber sýretteledi. «Kartınanyń tabıǵaty erekshe. Fılm kórermendi únsiz otyryp kúldiredi, únsiz otyryp oıǵa batyrady», - deıdi rejısser. Fılm qazaqstandyq kórermen nazaryna kelesi jyldyń basynda usynylady. «Bul men úshin úlken dáreje bolyp otyr. Óıtkeni eń alǵashqy, debıýttik fılmim. Rejıser retinde tyrnaqaldy týyndym. Fılmim Avstralııada ótetin úlken kınofestıvalge nomınant bolyp, endi eń úzdik stsenarıı nomınatsııasynda tur. Qazaqstannan osy fılm bekitilip otyr. Endi jıyrmasynan keıin sol Avstralııaǵa jol júrgeli otyrmyz», - deıdi qoıýshy rejısser Kenjebek Shaıqaqov.
