Qazaqstandyq qor bırjasynda Bank of America Corporation jaı aktsııalary satylymǵa shyǵaryldy
ASTANA. QazAqparat - Keshe, 4 mamyrda Qazaqstandyq qor bırjasynda Bank of America Corporation jaı aktsııalarynyń satylymy uıymdastyryldy.
Alǵashqy saýda kúni joǵary belsendilikti kórsetpedi. Lıstıngtiń bastamashysy - Freedom Finance ınvestıtsııalyq kompanııasy naryqtaǵy merekege oraı tynyshtyqty tehnıkalyq rásimderdi retteýge paıdalanǵandaryn jáne kelesi dúısenbiden bastap saýda-sattyq kóleminiń ulǵaıýyna daıyndalyp jatqandyqtaryn aıtty.
Birinshi saýda kúni Bank of America Corporation-nyń árqaısysy 2 787,97 teńgeden 67 jaı aktsııasy satyldy.
Belgili bolǵandaı, aktsııalar 2013 jylǵy 7 qarashadan bastap ekinshi sanat boıynsha KASE resmı tizimine engizilgen.
Aktsıı Bank of America aktsııalary Nıý-ıork (NYSE) jáne London (LSE) qor bırjasynda satylymǵa túsedi. 2 mamyrda ótken NYSE saýda-sattyqtyń jabylýynda qundy qaǵaz baǵasy 5,25 dollardy qurady.
