Qazaqstandyq konkıshi Maksım Baklashkın - stýdentter arasyndaǵy álem chempıonatynyń qola júldegeri
ASTANA. 19 jeltoqsan. QazAqparat - Qazaqstandyq Maksım Baklashkın Polshanyń Zakopan qalasynda ótken stýdentter arasyndaǵy konkı sportynan álem chempıonatynda 1500 metr qashyqtyqta qola júldeger atandy, dep habarlady Vesti.kz.
Elordalyq sportshy bul qashyqtyqty 1 mınýt jáne 53,44 sekýndta eńserip, polıak ıAn Shýmanskıge (1:50,25) jáne norveg Espen Tveıtke (1:52,66) jol berdi. Qazaqstannyń taǵy bir ókili Vıtalıı Malgınov 15-shi (1:58,34) bolyp keldi.
Sondaı-aq Baklashkın 5000 metrlik qashyqtyqta 11-shi boldy. Bul qashyqtyqta qazaqstandyqtardan besinshi bolyp kelgen Nıkıta Stavtsev jaqsy nátıje kórsetti. Malgınov - 12-shi, al Maksım Sergıenko - 13 oryndardy qanaǵat tutty.
