Qazaqstandyq konkıshi Babenko Azııanyń 3 dúrkin chempıony atandy
ASTANA. 13 qańtar. QazAqparat - Qazaqstan quramasynyń úzdik sportshysy Dmıtrıı Babenko Japonııanyń Tomakomaı qalasynda ótken synda klassıkalyq konkı tebý jarysynan Azııanyń 3 dúrkin chempıony ataǵyna ıe boldy, dep habarlady Vesti.kz tilshisi.
Elimizdiń jetekshi staıeri 1500, 5 000 jáne 10 000 metr qashyqtyqty baǵyndyryp, jeńiske jetti. Sonymen birge naýryz aıynda gollandııalyq Herenven qalasynda ótetin klassıkalyq kópsaıystan álem chempıonatyna aımaqtyq irikteýde birinshi oryndy ıelendi.
Aıta keteıik, Japonııadaǵy týrnırde 1500, 5000 jáne 10000 metr qashyqtyqty baǵyndyrýda úzdik nátıjege qol jetkizgen Babenko Sochı qalasyndaǵy Olımpıadada da osyndaı úsh qashyqtyqta baǵyn synaıdy.
Esterińizge sala keteıik, Sochı qalasyndaǵy Olımpıada oıyndary 7 jáne 23 aqpan aralyǵynda ótedi. Konkıshiler arasynda 12 medal jıyntyǵy oınatylady.
