Qazaqstandyq konkıshi Álem kýbogynyń fınalynda úzdik ondyqqa ilindi
NUR-SULTAN. QazAqparat – Qazaqstandyq konkıshi Nadejda Morozova Gollandııanyń Herenven qalasynda ótip jatqan Álem kýbogynyń fınalynda segizinshi boldy, dep habarlaıdy QazAqparat Sports.kz saıtyna silteme jasap.
Qazaqstandyq sportshy 1 500 metr qashyqtyqty 1 mınýt 55,26 sekýndta eńserip, segizinshi orynǵa jaıǵasty. Morozova kósh bastap turǵan sportshydan 2,60 sekýnd artta qaldy.
Birinshi orynda – japondyq Mıho Takagı, ekinshi orynda – nıderlandtyq Antýanetta de Iong, úzikter úshtigin norvegııalyq Ragne Vıklýnd japty.
Aıta ketý kerek, taǵy bir qazaqstandyq konkıshi Ekaterına Aıdova atalǵan qashyqtyqty 1 mınýt 58,563 sekýndta eńserip, 13-shi orynǵa shyqty.
