Qazaqstandyq konkıshi álem chempıonatynda úzdik ondyqqa endi
NUR-SULTAN. QazAqparat - Qazaqstandyq konkıshi Ekaterına Aıdova Norvegııanyń Hamar qalasynda ótip jatqan álem chempıonatynda 500 metrge júgirýden baq synady, dep habarlaıdy Sports.kz Halyqaralyq konkıshiler odaǵynyń resmı saıtyna silteme jasap.
Aıdova jarys jeńimpazynan 0,61 sekýndqa keıin qalyp, 38,40 sekýndpen jetinshi bolyp márege jetti.
Úzdik úshtik kelesideı boldy: birinshi oryndy gollandııalyq Femke Kok, ekinshi oryndy avstrııalyq sportshy Vanessa Gertsog jáne úshinshi oryndy polıak konkıshi Anjelıka Voıchık ıelendi.
Eske sala keteıik, 2022 jylǵy Olımpıadada qazaqstandyq osy qashyqtyqta 20-shy nátıje kórsetken bolatyn.
