Qazaqstandyq kompanııalarǵa ǵalamdyq ınvestorlardan úlken qyzyǵýshylyq baıqalýda - Almaty qalasyndaǵy Óńirlik qarjy ortalyǵy qyzmetin retteý agenttigi tóraǵasynyń orynbasary
ALMATY. Aqpannyń 1-i. QazAqparat /Erlik Erjanuly/ - Naryq qalpyna kele bastady. Bul búgin Almatyda "Qazaqstandaǵy ІRO naryq: aǵymdar, baǵa, boljam" degen taqyryptaǵy baspasóz máslıhatynda aıtyldy,
dep habarlaıdy QazAqparat.
"Qazaqstandyq kompanııalarǵa barlyq salada da ǵalamdyq ınvestorlardan úlken qyzyǵýshylyq baıqalýda. Bıyl Qazaqstan qor bırjasyna birqatar jańa emıtentter qosylady dep úmit artyp otyrmyz. Jaqyn arada úlken semınar jıyndary ótedi. Onda sarapshylar qazaqstandyq kompanııalarǵa ǵalamdyq ınvestıtsııa tartýǵa kómektesetin bolady", deıdi Almaty qalasyndaǵy Óńirlik qarjy ortalyǵy qyzmetin retteý agenttigi tóraǵasynyń orynbasary Shyńǵys Qanapııanov. Al "Qazaqstan qor bırjasy" AQ-nyń vıtse-prezıdenti Andreı Tsalıýktiń aıtýynsha, elde osy ýaqytqa deıin jumys istep kelgen ınvestorlar Qazaqstannyń basymdyǵyn jaqsy túsinedi jáne respýblıkadaǵy óz qyzmetin jalǵastyrýǵa yqylasty. "Aǵymdaǵy jyly Qazaqstan qor naryǵynyń álemdik stsenarıımen damýynyń alǵashqy jyly bolmaq. Álemdik tájirıbede kompanııalar lıstıngten ІRO júrgizý úshin bırjaǵa óz aktsııalaryn ornalastyrý úshin ótedi. Ókinishke oraı, ótken 16 jyldyń ishinde Qazaqstan qor bırjasynda 2-aq ret ІRO júrgizildi. Onyń bireýi «QazMunaıGaz» Óndirý. Barlaý» kompanııasy bolsa, ekinshisi mańǵystaýlyq bir kompanııa boldy. Qor naryǵy alańynda jańa kompanııalardy kórý úshin Qazaqstan qor bırjasy óz tarapynan olardy yntalandyrý baǵdarlamasyn qarap, kezdesý qadamdaryn jasaýǵa ázir", deıdi Andreı Tsalıýk.
